自拍神器TR350依然企硬$9,980，未必個個捨得買，CASIO新出的EX-ZR1200或者是更好選擇。新機內置「12級美顏模式」及「12級美白模式」，想幾靚有幾靚，加上5軸4.5級防震，自拍更係唔怕手震。更特別的是相機內置小腳架，可支撐機身，遠啲影多人合照都得，加上24mm12.5倍光學變焦鏡頭，1,610萬像素CMOS，拍攝功能其實比TR350更強，雖然樣係冇咁靚，又冇得扭來扭去變形，但賣$3,380，平「神器」三分二，實在抵玩得多，成萬蚊部儍瓜機仔，留番畀強國同胞搶喇。


來源:蘋果日報網站